កាលថ្ងៃសុក្រ ទី១៧ ខែវិច្ឆិកា ឆ្នាំ២០២៣ កន្លងទៅនេះ គ្រឹះស្ថានបានចុះទៅដល់ សាលា​បឋមសិក្សា​តាំង​ហោង មានទីតាំងស្ថិតនៅ​ជាប់ជួរ ​ភ្នំ​ឱ​រ៉ា​ល់ ​ឃុំ​អម​លាំង ស្រុក​ថ្ពង ខេត្តកំពង់ស្ពឺ ដើម្បីធ្វើការចែកជូននូវសម្ភារៈសិក្សា សម្ភារៈកីឡា សំលៀកបំពាក់ បរិក្ខារក្មេងលេង​ (ទោងយោល) និងប្រាក់ឧបត្ថម្ភមួយចំនួន ដល់សិស្សានុសិស្ស និងលោកគ្រូអ្នកគ្រូនៅទីនោះ។

ទោះបីការរំលែកនេះជាអំណោយបន្តិចបន្ទួច តែយើងទាំងអស់គ្នាដែលជាគណៈគ្រប់គ្រង ក៏ដូចជាបុគ្គលិកគ្រឹះស្ថានទាំងអស់ សង្ឃឹមថាវានឹងជួយរួមចំណែកមួយផ្នែកដល់តម្រូវការរបស់សិស្សានុសិស្ស ក៏ដូចជាផ្តល់នូវកំលាំងចិត្តដល់សិស្សានុសិស្សទាំងអស់ ឱ្យខិតខំប្រឹងប្រែងសិក្សា និងបន្តក្តីសង្ឃឹមរបស់ពួកគេ​។ គ្រឹះស្ថា​ននឹងបន្តខិតខំប្រឹងប្រែងបង្កើតនូវសកម្មភាពចែករំលែកក្នុងសង្គម សហគមន៍​ និងដល់សិស្សានុសិស្សដែលជួបប្រទះការលំបាក នៅឆ្នាំបន្តបន្ទាប់ទៀត។